Achegamos o tríptico que editamos esta tempada com umha breve informaçom sobre o que é o futebol gaélico, como se joga e a história da origem da Liga Gallaecia.
Tríptico Liga
Todos os artigos de Moncho
CRÓNICA DA VII JORNADA: GRUPO SUL
No passado sábado desputava-se mais umha jornada do grupo sul da Liga Gallaecia. Voltava o gaélico a um dos melhores campos da liga, o da Canosa, no concelho do Rosal, numha tarde bastante fria e húmida.
A jornada foi aberta com o encontro entre Gróvias e Ambilokwoi. As anfitrionas conseguiam ganhar o jogo com um marcador de 30 a 5 pontos, resultado que continua a reafirmar a boa temporada das do Baixo Minho e que as continua a manter na luita polos postos de playoff. Ambilokwoi voltava a deixar muito boa impressom e malia a pontuaçom, nunca baixa os braços demonstrando assim a plena coerência com os valores da Liga.
De seguido, começava o encontro entre o Condado e Suévia. Umha vitória nesse jogo deixaria praticamente classificadas às de Compostela mas topárom com um Condado que nom lhes deu nengumha oportunidade. Para surpresa de toda a gente, o Condado dominou o encontro de princípio a fim e levou umha clara vitória por 28 a 1, que coloca mais umha vez, às do Condado na luita polo playoff.
Para finalizar a jornada, as companheiras de Gróvias preparárom um estupendo terceiro tempo no CS O Fuscalho da Guarda.
I Copa do Rei de futebol gaélico
Todo preparado em Sárria para a “I Copa do Rei de Futebol Gaélico”.
Amanhã 6 de Janeiro
-Á 13h no Campo do Chanto Buril Acde vs Torques De Lugoslavia Futebol Gaélico
-Às 14h Sessom Vermute + Jantar Patriótico (7€)
-Às 18h Roteiro Froinalista
-Às 22h Concerto epifónico no Buril (7€)
25 DE NOVEMBRO DIA CONTRA O TERRORISMO MACHISTA
O terrorismo machista tem incontáveis formas de se manifestar e como tal, também múltiplas maneiras e espaços desde onde o podemos combater.
O desporto é o espaço que a Liga Gallaecia escolheu e a prática mista e inclusiva, a nossa particular maneira de contribuír a debilitar o Patriarcado.
E é que a nossa Liga tem umha tarefa que vai muito para além da própria prática desportiva. No dia a dia da Liga Gallaecia estamo-nos a demonstrar que o género nom age como eixo da diferença, que todas e todos somos diversas na individualidade para igualar-nos na coletividade. Interagimos, cooperamos, complementamo-nos e coordenamos capacidades individuais para que o verdadeiramente importante seja o resultado coletivo.
É assim que chegamos a comprovar na prática a falsidade dos preconceitos que nos atribuem às mulheres menos capacidades físicas que os homens, ou capacidades muito diferentes que impossibilitariam umha competiçom mista justa. Constatamos como vamos desprendendo-nos de velhas atitudes machistas ao tempo que detetamos outras novas e mais subtis e trabalhamos por erradicá-las. Aprendemos a automatizar o respeito como atitude básica no relacionamento social. E nom menos importante, construímos um espaço de auto-proteçom, de convívio e de divertimento fundamental para manter o ánimo e resistir ao terrorismo machista desde todos os outros espaços.
Eis que vamos deixando de ver a jogadora mulher ou o jogador homem, para simplesmente ver pessoas, passo imprescindível para construír umha sociedade igualitária.
Jornada de iniciaçom ao Futebol Gaélico na Corunha
Desde a Liga Gallaecia convidamos-vos a participar nesta Jornada de Iniciaçom ao Futebol Gaélico, que forma parte do “Programa Nocturnia” levado a cabo pola equipa de Cascarilha Futebol Gaélico desde o Concelho da Corunha o sábado 18 de novembro de 21:00 a 23:00 na Cidade Desportiva de Riazor.
Se tes entre 12 e 30 anos nom duvides em apontar-te e ter a oportunidade de conhecer este fantástico desporto. Inscribide-vos no enlace que aparece abaixo. É de balde! 
😉
Agardamos-vos!
https://www.coruna.gal/…/iniciacion-a…/suceso/1453634232805…
Aprobeitamos para destacar a mágoa que sentimos de que o concelho da Corunha nom empregue o galego para difundir este tipo de atividades.
II Xornadas de igualdade CEIP Paraixal
Orgulhosísimas e encantadas de participar nas Jornadas de Igualdade do CEIP Paraixal.
Obrigadas à A.N.P.A. Colexio Paraixal por contatar com nós.
Segumos construindo e trabalhando juntas!
III Jornada de Liga 17/18
No grupo sul jogarám o O Condado contra Afiadoras às 15.30h. e Gróvias contra a Suévia às 17.00. Será no campo de Vilasobroso o sábado 4 de Novembro.
Os jogos do grupo norte desputarám-se ao dia seguinte, o domingo dia 5 de Novembro em Curtis. As 17.00 Fanecas Bravas contra Torques de Lugoslávia e as 18.15 Fusquenlha contra Buril.
Apresentaçom da temporada 2017-2018
Este ano, a Liga Gallaecia superou todas as expetativas e orgulhamo-nos de poder contar com mais quatro equipas novas e um total de dez em toda a competiçom.
É um bom sintoma, sem dúvida, já nom só porque quer dizer que algo estaremos a fazer bem, senom também porque a sociedade está a ver que se pode fazer desporto de outro jeito longe do segregacionismo e o mercantilismo imperante, que se pode fazer desporto participativo, saudável e popular. A Liga Gallaecia é hoje um projeto desportivo que aguardamos consolidar mais fortemente com o passo dos anos, e como sempre dizemos, em contínuo processo de aprendizagem.
Com isto queremos apresentar-vos umha nova temporada de futebol gaélico na que tivemos que modificar o modelo que até agora tinhamos de monogrupo e dividir-nos, por praticidade, seguindo o critério da proximidade geográfica. Assim é que contaremos com dous grupos, o norte e o sul, que competirám entre eles numha primeira fase da Liga. Posteriormente, haverá umha segunda fase na que as duas primeiras classificadas de cada grupo da primeira fase e a melhor das terceiras, desputarám o título de liga no Grupo Final I; e as cinco equipas restantes continuarám a competiçom no Grupo Final II.
O Grupo Norte estará assim formado polas equipas das seguintes comarcas: Eume (Fusquenlha Futebol Gaélico), A Corunha (Cascarilha Futebol Gaélico e as Fanecas Bravas Futebol Gaélico), Lugo (Torques de Lugoslavia Futebol Gaélico) e Sárria (Buril Futebol Gaélico).
O Grupo Sul formam-no equipas das comarcas de: Ourense (Afiadoras Futebol Gaélico), Vigo (Ambílokwoi Futebol Gaélico), Condado (Condado Futebol Gaélico), Baixo Minho (Gróvias Futebol Gaélico) e Compostela (Suévia Futebol Gaélico).
Isto começa! Nom duvidedes de participar na vossa comarca!
Avante o futebol gaélico! Avante a Liga Gallaecia!
Tordoia também se soma ao gaélico
O vindouro domingo 1 de outubro, em Tordoia decorrerá a primeira jornada de iniciaçom ao gaélico organizada pola A.C.Brisas do Quenllo.
Às 17.30 combina-se no Local Social da Pontragha para já às 18h dirigirmo-nos ao campo de futebol de Santaia (do concelho de Tordoia) onde companheiras da equipa vizinha Suévia FG apresentarám o jogo e participarám dum treino de iniciaçom.
Da Liga Gallaecia chamamos à vizinhança de Tordoia a que participe desta jornada aberta a todo o mundo e agradecemos a AC Brisas do Quenllo o seu interesse polo desporto misto e de base.
Avançamos!
Jornada de difusom F.Gaélico no Baixo Minho
Já chega a Jornada de difusom do futebol gaélico.
Desta volta no Baixo Minho organizada pola equipa local Grovios Futebol Gaélico.
Horário da jornada:
-Às 11:00 treino aberto na Canosa.
-Às 12:00 jogo demostraçom na Canosa.
-Às 14:00 jantar no C.s. Fuscalho.
-Às 16:30 curso de arbitragem C.S. O Fuscalho.
Agardamos a vossa presença.
+info: 699218002